კონფიდენციალურობის პოლიტიკა

ბოლო განახლება: 2026 წლის 21 სექტემბერი

ეს დოკუმენტი ხსნის, თუ რა ინფორმაციას ვაგროვებთ შენს შესახებ, რატომ, როგორ ვინახავთ მას და როგორი უფლებები გაქვს. შედგენილია GDPR-ისა და საქართველოს პერსონალური მონაცემების დაცვის კანონის შესაბამისად.

1. რა მონაცემებს ვაგროვებთ

რეგისტრაციისას შენ გვაძლევ:

ელფოსტას (ანგარიშის იდენტიფიცირებისთვის)
სახელს (პროფილის ჩვენებისთვის)
პაროლს (დაშიფრული სახით)
თუ Google-ით შემოხვედი — ავატარსა და სრულ სახელს Google-დან

აპლიკაციით სარგებლობისას ვაგროვებთ:

გაკვეთილების მიმდინარეობას (XP, სტრიკი, რომელი გაკვეთილი დაასრულე)
დროის ზონას (სტრიკის სწორი დაანგარიშებისთვის)
დღიურ მიზანს (მაგ. 10 წუთი/დღე)
აპლიკაციის ვერსიასა და ბრაუზერის ტიპს (ბაგების მოგვარებისთვის)

გადახდისას Paddle აგროვებს ბარათის მონაცემებს — ჩვენ მათ არ ვინახავთ. ჩვენთან ჩანს მხოლოდ Paddle-ის შიდა იდენტიფიკატორი (subscription_id) და გადახდის სტატუსი.

2. რას ვაკეთებთ მონაცემებით

აპლიკაციის მუშაობა. შენი პროგრესის დამახსოვრება, სტრიკის დაანგარიშება, შემდეგი გაკვეთილის გახსნა.
ანგარიშის უსაფრთხოება. ავტორიზაცია, საეჭვო შესვლების აღმოჩენა.
კომუნიკაცია. მნიშვნელოვანი შეტყობინებები (პაროლის აღდგენა, გადახდის ცვლილებები). მარკეტინგული წერილები არ გვინდა გამოვიყენოთ — თუ ოდესმე დავიწყებთ, წინასწარ შეგატყობინებთ და მოგცემთ უარის თქმის შესაძლებლობას.
გაუმჯობესება. ანონიმური სტატისტიკა — რომელი გაკვეთილია ყველაზე ძნელი, სად აყენებენ აპს. პერსონალურ მონაცემებთან არ ვაკავშირებთ.

3. ვის ვუზიარებთ მონაცემებს

მონაცემებს არ ვყიდით. ვუზიარებთ მხოლოდ იმ პარტნიორებს, რომლებიც სერვისის მუშაობას უზრუნველყოფენ:

Supabase (ანგარიშები + მონაცემები) — ფრანკფურტი, EU
Cloudflare (აპლიკაცია + ხმოვანი ფაილების მიწოდება) — გლობალური
Paddle (გადახდები) — დიდი ბრიტანეთი
Resend (ელფოსტის გაგზავნა) — აშშ
Google (თუ Google-ით შემოხვედი) — შენი არსებული Google ანგარიშის ფარგლებში

ეს კომპანიები მოქმედებენ ჩვენი დავალებით და მათ აქვთ საკუთარი GDPR-შესაბამისი პოლიტიკები.

4. რამდენ ხანს ვინახავთ

ანგარიშის მონაცემებს ვინახავთ, ვიდრე ანგარიში არსებობს. წაშლისას — როცა შენ თვითონ აჭერ „ანგარიშის წაშლა“-ს პარამეტრებში — ყველა შენი მონაცემი ჩვენი ბაზიდან დაუყოვნებლივ იშლება: პროფილი, XP, სტრიკი, ნასწავლი სიტყვები, ჯილდოები, ფოტო. ეს შეუქცევადია.

რეზერვულ ასლებში მონაცემები შეიძლება დარჩეს Supabase-ის მხარეს რამდენიმე დღის განმავლობაში — ეს ავტომატური სარეზერვო ციკლია, ჩვენ მათ ვერ ვხედავთ; დროთა განმავლობაში გადაიწერება.

გადახდების ისტორია (ბარათის ნომრები, ჩანაწერები, ანგარიშფაქტურები) ჩვენ არ გვაქვს — ეს მონაცემები მთლიანად Paddle-ის მხარესაა, რომელიც ჩვენი Merchant of Record-ია. Paddle საკუთარი წესების მიხედვით ინახავს ამ ჩანაწერებს ჩვეულებრივ 7 წლის განმავლობაში საგადასახადო ანგარიშგების მიზნებისთვის. Paddle-დან მონაცემების წაშლა მისგან პირდაპირ უნდა მოითხოვო: paddle.com/legal/privacy.

5. რა უფლებები გაქვს

წაკითხვა — გვთხოვე შენი მონაცემების ასლი
შესწორება — შეცდომის გასწორება
წაშლა — ანგარიშის სრული წაშლა
ექსპორტი — გვთხოვე მონაცემების ასლი ელფოსტით (გაგიგზავნით JSON ფაილს)
უარის თქმა — ნებისმიერი არასავალდებულო მონაცემის შეგროვებაზე

ნებისმიერი ამ უფლების გამოსაყენებლად მოგვწერე support@fluent.ge-ზე. ვუპასუხებთ 30 დღის განმავლობაში.

6. ბავშვები

fluent.ge არ არის განკუთვნილი 13 წელზე ნაკლები ასაკის მომხმარებლებისთვის. თუ გავიგებთ, რომ 13-ზე ნაკლები ასაკის მომხმარებელმა ანგარიში გახსნა, წავშლით მას.

7. Cookies და ლოკალური მეხსიერება

ვინახავთ ლოკალურ მეხსიერებაში (localStorage / IndexedDB):

ავტორიზაციის ტოკენი — რომ შემოსვლა ერთხელ მოგიწიოს
გაკვეთილის მიმდინარე მდგომარეობა — რომ შეფერხების შემდეგ იქიდან გააგრძელო, სადაც გაჩერდი
თემის (ღია/მუქი) არჩევანი
ხმის ჩართვა/გამორთვა

გამოყენების ანონიმური სტატისტიკისთვის ვიყენებთ PostHog-ს (EU სერვერები). PostHog ხედავს, რომელ გაკვეთილზე მუშაობ და სად აყენებენ აპს, პსევდონიმური ID-ის მიხედვით — არასოდეს შენი ელფოსტით ან სახელით. შეცდომების მონიტორინგისთვის ვიყენებთ Sentry-ს — შენი მისამართი, სახელი და ნებისმიერი ტოკენი იშლება (scrubbed) გაგზავნამდე. არც ერთი არ ნერგავს მესამე მხარის თვალთვალის cookies-ს.

8. უსაფრთხოება

ყველა მონაცემი იშიფრება გადაცემისას (HTTPS) და შენახვისას (Supabase + Cloudflare). პაროლები ინახება bcrypt ჰეშის სახით; ღია ტექსტად არასოდეს ვინახავთ. მიუხედავად ამისა, აბსოლუტურ უსაფრთხოებას ვერავინ უზრუნველყოფს. თუ ვნახავთ შემოჭრას, შეგატყობინებთ 72 საათში.

9. ცვლილებები

ეს პოლიტიკა შეიძლება განახლდეს. მნიშვნელოვანი ცვლილებების შესახებ ელფოსტით გამცნობთ.

10. კონტაქტი

კონფიდენციალურობის ნებისმიერ საკითხთან დაკავშირებით მოგვწერე support@fluent.ge-ზე.